Bohemiæ Regiam etc. Maiestatem, et Serenissimum Principem Dominum
Joannem Serenisimi Joannis Regis Hungariae filium, Principem Transÿl-
vaniæ et partium Regni Hungariæ tractati et conclusi cum eadem Sac[ratissim]a
Cæsarea Maiestate per Spectabilem et Magnificum Casparum Bekes su-
premum Cubicularium Consiliarium et oratorem Serenissimi Principis,
cum pleno mandato et potestate ad id missum, interveniente et mediante
Seren[issi]mi Regis Poloniæ Oratore et ad eam tractationem plenissima cum fa-
cultate Com[m]issario Reverendissimo Domino Adamo Conarski de Cobelÿn
Episcopo posnaniensi et Regni Poloniæ consiliario, Spiriæ die decima sexta
mensis Augusti, Anno Domini Millesimo, quingentesimo septuagesimo.

Primum igitur cum de titulo, quo a tempore huius pacificationis initæ
Serenissimus Princeps Joannes, uti debebit, inter Sacram Cæsaream Regi-
amque Maiestatem, ac ipsum Serenissimum Principem controversia exsti-
terit, conventum est, hinc inde boni publici et conservandarum reliquia-
rum inclÿti Regni Hungariæ studio, quod Serenissimus Princeps titulo
ac omni prætensione electi Hungariæ etc. Regis cedat, ac eo qui<.> sequitur,
contentum se cum suis posteris et Successoribus fore, ac sub eo frugi-
feram operam suam in Republica Christiana navare velle declaret.

Serenissimus Princeps Dominus Johannes, Serenissimi olim Joan[n]is Regis
Hungariæ, Dalmatiæ, Croatiæ etc. filius, Dei gratia Princeps Transÿlvaniæ
ac partium Regni Hungariæ; quem quidem titulum Serenissimo Princi-
pi, ac eius Successoribus Sacra Cæsarea Regiaque Maiestas cum Successo-
ribus suis perpetuo conservatura est. Nihilominus evitandorum
diversorum periculorum causa electi Regis titulo in literis, quæ ipsi ad